CultCorner.info/NEWS: Cormor Salvadi

mercoledì 10 ottobre 2007

Cormor Salvadi

Regjon Friûl Vignesie Julie - Provincie di Udin - Comun di Mortean - Circolo Culturâl Il Cantîr - Circul Culturâl La Tor - Lavarian - Informazion Furlane - Radio Onde Furlane - Hybrida

Cormôr Salvadi 2007- Mortean

Vinars 12 otubar Centri Civic, Vie Marconi 1

10.00 Cunvigne

Identitâts linguistichis, produzion musicâl e promozion dal teritori

12.30 Minority videoReport (lenghis minoritariis e videoclip) par cure di Massimo Garlatti-Costa

14.30 Dibatit moderât di Andrea Ioime

Lenghis, musiche e teritori in Friûl e in Europe (cu la partecipazion dai promotôrs dai festivals musicâi dal Friûl e ospits europeans)

22.00 Festintenda

Conciert cun:

GAI SABER (Ocitanie)

Da lis vals ocitanis dal Piemont un grup folktronic che, partint dai cjants trobadorics, al à savût meti adun un gnûf mût di fâ tradizion doprant i struments acustics (organet, arpe, ghironde) e i suns digitâi.

R.ESISTENCE IN DUB (Friûl)

Reggae, raggamuffin, dub, dancehall a àn metût lidrîs in Friûl cu la poesie militante e freestyle di DJ Tubet.

Sabide 13 otubar

Festintenda

18.00 Sclapeçocs – Scree des sculturis in len rigjavadis dal cedri secolâr di Lavarian. Oparis di Edi Carrer, Nico Colle, Pablo A. Garelli, Alfredo Pecile, Alvise Santin

19.00 Poesie di fossâl

Raff BB & Loris Vescovo "Verba manent" + Tullio Angelini, Ivan Crico & Carlo Mariani "Ostane"

Viaçs cosmics sul ôr des peraulis: lis striis, i mats, i pantanârs dal poete trastolon Raff BB Lazzara cu la poesie acustiche di Loris Vescovo; il dj set di Tullio Angelini (diretôr artistic di All Frontiers) a fâ di tapêt svolant pe dolce lenghe bisiache di Ivan Crico e pal flât des launeddas dal virtuôs Carlo Mariani.

21.00 Conciert:

FIARAZE FEROCE anteprime dal cd

Il spirt des bandelis de tradizion e i sunôrs des sperimentazions dal dì di vuê. Aiars popolârs fruçâts tun berdei di otons, distorsions, basis eletronichis e improvisazion radicâl.

PYT RYAN and MAD MAN BLUES presentazion dal cd "La midisine juste / Punch Drunk"

Finalmentri un cd dal cjapitani dal blues dai cuei orientâi! Une opare mestre jenfri visions alcolichis e psichedelichis, pub rock a manete e tant altri. "No baste jessi cuintri bisugne restâ fûr / butâ vie lis scarpis e cjaminâ sul dûr..."

LANGHORNE SLIM (USA)

Da la Pennsylvanie un zovin che al fâs tornâ a vivi il spirt dai folksinger di une volte misturant la ispirazion dai Violent Femmes: vôs nasâl e ruspiose, marcetis a rote di cuel, zîrs di banjo e armoniche. Cjanzons sveltis, tiradis cu la fionde a ritmi di country, bluegrass, blues, swamp, cajun, shuffle, un piç di errebì di New Orleans e un altri di folk irlandês par un road trip traviarsant l'Americhe.

HYBRIDA AUDIOVISUAL SOUND SYSTEM

Domenie 14 otubar

Festintenda

15.00 0432 Teatri Numeric: Contis dal Chile

Teatri pai fruts a torzeon pal parc di Festintenda

16.00 Battle of the bandelis : Bande Garbe vs Radio Zastava vs Tambours de Topolò

armonichis cuintri otons cuintri bidons cuintri saxsofons cuintri tamburons e covertoriis cuintri trombis e trombons cuintri bandons...

17.00 T.N.F. (Teatri Nazionâl Furlan): 550

Pieri al fâs i conts cu la vite scomençant cul mutuo pe cjase: 550 euro al mês par i prossims 25 agns...

18.00 KOSOVNI ODPADKI

I cuintribandîrs de musiche furlane: folk, punk, balkan, latin, zingar. Par lôr lis frontieris (musicâls e fisichis) a son fatis par sedi scjavaçadis: ospits dal Premi Tenco e di Caterpillar, Sziget Festival a Budapest, Argjentine, Catalogne e dal Casinò Paradyze...

Miercus 31 otubar

Festintenda 21.00 La gnot de pôre cun

SLEEPY TIME GORILLA MUSEUM (USA)

Dadaist, futurist, sperimentâl e vilipendiôs, chest grup al rapresente une des frontieris plui avanzadis e sperimentâls dal rock. L'impat ritmic di chest crime industrial/grindcore al è impressionant e spetacolâr te so sdravaiade teatralitât. Un event di no piardi par une gnot di pôre!!!

OURS PUISSANT psychedelic blues (F)
JUBILE' rock (F)

HYBRIDA ROCK'N'ROLL SOUNDSYSTEM prime e dopo

Circul Il Cantîr Mortean Tel.