Si siare domenie 16 di novembar tal cjistiel di Colorêt "La Guerra in salotto" dulà che e son in mostre passe 150 bossui lavorâts de colezion di Terzo Alfonso Aita, un di Buje, che, a dodis agns, in gambiio di sei lât a fâ fen sui cucs vie pal istât, al veve vût come premi chel vâs lavorât simpri plen di rosis sul barcon. Cussì al veve cognossude la storie dai bossui che la sgrimie e l'inzen dai soldâts a trasformavin cu lis lor mans e cun imprescj di fortune vie pe vuere dentri des trinceis o tai acampaments e tai ospedalutas des retroviis e, dopo de fin de grande vuere, dongje dai lûcs des bataiis o dai cimiteris. Dai bossui di piçul e medi calibro e nassevin no dome vâs pes rosis, ma ancje bocis pe aghe cjalde, lampadis a carburo, machignutis par impiâ i spagnolets, bicjerins, bocâi pe bire e.v.d..
Le an clamade "trench art", ven a stâi art di trincee, cheste trasformazion dai residuâts belics in ogni gjenar di ogjet che di simpri e jentrâ tes cjasis in ducj i paîs. E tes cjasis e dai marcjaduts di dute Europe, Terzo Aita al à continuât cun passion a cjapâ su e a puartâ dongje i tocs de sô colezion che cumò e fasin biele mostre tal cjistiel di Colorêt dulà che si pues viodiju ogni sabide e domenie des 10.oo a misdì e des 14.oo fin sîs di sere. Al è un difarent di chel altri: rosis, ramaçs di fueis, besteutis, paesagjos, datis, nons di lûcs, cjistiei, simbui religjôs; lavorazions semplicis e "naives"
dongje di altris plui artistichis e studiadis.: un patrimoni di storie e di storiis di oms : metint man ai bossui, forsi cence intenzionalitâts di sorte, cuasi cence savêlu, gjavant l'anime a chei struments di muart, fasintju deventâ imprescj de vite di ogni dì, e slontanavin di sè la pôre de muart e proietavin su chei bossui trasformâts une sperance di normalitât , di vite e di pâs.
Le mostre tal cjistiel di Colorêt ( curade de associazion culturâl "el tomât" e di Lucio Fabi) e jè dentri de suaze de iniziative " TIMPS di VUERE…TROIS di PâS ( 1918 VIVO LA GUERRA_2008 VOGLIO LA PACE)" che, cu la colaborazions di associazions tantche "el tomât" , "ermes di colloredo", "cineteca del friuli" e il contribût di "collina&cultura", "comunità collinare", "provincie di Udin", tai mês di otubar e di novembar, e puarte in tancj paîs de culine furlane, cines e libris, cjants e testemoneancis, de grande vuere, viodude e vivude de bande de int furlane. Lis iniziativis si siarin vinars 14 di novembar a Vile di Buje e domenie 16 a Colorêt cuntune gjite in coriere che, partint a 9 di binore dal Cjistiel e puartarà tai lûcs de grande vuere tal Friûl culinâr di Ruvigne a Col Roncone, di Buje a Sante Margarite. Vie par lis seradis e lis manifestazions al è pussibil cjoli il libri "LA GUERRA VISSUTA" *** dulà che si cjate le trascrizion integrâl dal diari di Giuseppe Garzoni, bersaglîr di Buje che al conte le vuere sul Carso e le lungje presonie ator par l'impero e lis memoriis dal plevan di Madone don Giuseppe Bernardis che al piture le vite tal pais dal 1914 cuant che i migrants e scuegnin tornâ in Friûl cence bêçs e cence lavôr al 1917 l'an de invasion dai mucs fin al 1921 cui agns dificii e i gambiaments de vite prime, dulinvie e ancje dopo de grande vuere.
associazion culturâl
“el tomât”
buje
par cure di Lucio Fabi con tescj di Lucio Fabi, Laura Nicoloso, Matteo Ermacora
info
Nessun commento:
Posta un commento